Scriver Lombard
La grafia de Scriver Lombard, anc cognissida con la breviadura "SL", l'è una grafia "polinomega" nassida de l'idea del Lissander Brasca ind i prim agn del terz millen. La SL la fonda i so radix ind i tradizion plœ vegie de la lengua lombarda, e l'è spiegada in detai ind el liber omonem, publigad ind la so prima edizion da la cà editrix Menaresta ind el december del 2011.
Carateristige[Mudifega | mudìfica 'l sorgènt]
La grafia de Scriver Lombard la g'ha la mira de crear una koiné ortografega per tœts i idioma lombards, in oltre parolle de vesser una manera de scriver ol lombard parzialment uniforma per tœts i lombardofon, senza qe vergun 'l g'habie de pensar ind un dialet divers dal so. Parzialment uniforma perqè i resta di picole diferenze intra i diverse variants, qe però i è minimizade per dar mìa di problemi ind la comprension soverprovinçala.
La SL la ciapa l'ispirazion ind la tradizion leteraria lombarda plœ antiga, çoè medievala: Belcalcer, Bonvexin, Ugoçon, ecetera.
Obietiv[Mudifega | mudìfica 'l sorgènt]
I autor i dix qe qesta proposta ortografega qé l'è un di pass necessare per la revitalizazion del lombard, qe la g'ha come obietiv qell de restabilir la trasmission interjenerazionala de la lengua.
