Apple DOS

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Hello, World in su Apple DOS

L'Apple DOS (acronim de Apple Disk Operating System) a l'è staa el sistema operativ per disch venduu de la Apple in tra el 1978] e 'l 1983 insemma ai Disk II, dischettera per l'Apple II. L'è staa sostituii del ProDOS. A l'è staa distribuii in trè version: DOS 3.1, DOS 3.2 e DOS 3.3. Tucc i version han avuu poeu i sò bugfix.

Storia[Mudifega | mudìfica 'l sorgènt]

A la presentazion de la dischettera Disk II in del 1978 a l'éra domà pront on set di istruzion fondamentai preparaa del Steve Wozniak e del Randy Wigginton.

'Na voeulta finida la presentazion el Steve Jobs l'ha domandaa a l'azienda Shepardson Microsystems de fà el DOS ver e proppi per 13'000$ e gh'è voruu 35 dì per fàll.

La fin[Mudifega | mudìfica 'l sorgènt]

Dopo del 1980 la Apple, che la s'è concentrada in sul fallimentar Apple III e in sul sistema SOS. In del 1983 a gh'è staa l'ultim giornament per supportà el noeuv sortii Apple IIe.

El sistema a l'era limitaa fiss: El podeva gestì domà dischett de 5 pollis, minga ROM, disch dur, dischett pussee piscinitt o alter periferich, e la grandezza massima di file a l'era 400 kB. Vist che l'era impossibil cambiàll senza mudà la pupart del codes a l'è staa poeu faa el ProDOS. I utent l'han però doperaa anca dopo de la soa fin.

Caratteristich[Mudifega | mudìfica 'l sorgènt]

I dischett del DOS gh'even 13 settor per traccia, ognun de 256 byte, con 35 tracc per ogni lat del disch: in total el spazzi a l'éra de 113,75 kB per lat. 100 kB eren lassaa a l'utent, 10 occupaa del sistema. I nomm di fìle podeven vèss de 30 caratter.

Tipi di fìle[Mudifega | mudìfica 'l sorgènt]

I file supportaa del sistema seren:

El sistema el faseva domà 'na distinzion, senza podè dà di strument de elaborazion.

Software relocabil[Mudifega | mudìfica 'l sorgènt]

El software in assembly per Apple II a l'éra no relocabil, perchè el computer, che l'éra senza multitasking, el doperava domà on programma a la voeulta e i software podeven spettàss de vèss semper i di midemm locazion de memoria.

Per permètt 'sto fonzionament el DOS el se caregava in di part volt de la memoria, e lassava al BASIC e ai software i part bass.

Boot[Mudifega | mudìfica 'l sorgènt]

El boot a l'era sostanzialment on process manual, perchè l'Apple II a l'era minga bon de aviàss direttament de floppy. Cont l'Apple II Plus a l'è staa inveci integraa on sistema che automaticament el ricerca se in di port de espansion a gh'è del codes avviabil. Se 'l gh'è, el ghe passa el controll, e 'l codes 'l aspetta che 'l sia inserii on dischett, con dent el codes essenzial per caregà el sistema. Cont 'sto codes era lengiuu el rest del sistema che poeu avviava on programma, tipicament on file BASIC de benvegnuu.

BASIC[Mudifega | mudìfica 'l sorgènt]

El DOS el permetteva de doperà a la svelta el BASIC, sia l'Integer BASIC che 'l se derviva cont el scriv INT sia l'Applesoft BASIC che 'l se derviva cont el scriv FP, cioè Floating point.

El sistema, bon de doperà anca di BASIC che hinn no in ROM, el podeva anca fà interpretà on file BASIC al moment, vist che eren segnaa i tipi de file BASIC.

Vos corelaa[Mudifega | mudìfica 'l sorgènt]